چیئرمین پاکستان کرکٹ بورڈ (پی سی بی) محسن نقوی نے لاہور کے غنی انسٹیٹیوٹ آف کرکٹ ڈیفنس کا دورہ کیا اور تیسرے غنی رائل ٹی ٹوئنٹی ٹورنامنٹ کا افتتاح کیا۔
تقریب کے دوران محسن نقوی نے بیٹ سے شاٹ لگا کر ایونٹ کا باقاعدہ آغاز کیا۔ اس موقع پر انہیں کھلاڑیوں سے متعارف کرایا گیا اور ٹورنامنٹ کے انعقاد پر خوشی کا اظہار کیا۔
چیئرمین پی سی بی نے کہا کہ اس نوعیت کے مقابلے نوجوان کھلاڑیوں کے ٹیلنٹ کو اجاگر کرنے میں اہم کردار ادا کرتے ہیں۔ انہوں نے ٹورنامنٹ کے انعقاد پر غنی انسٹیٹیوٹ اور منتظمین کو مبارکباد دی اور شریک ٹیموں کے لیے نیک خواہشات کا اظہار کیا۔
محسن نقوی نے مزید کہا کہ کرکٹ کی ترقی کے لیے ایسے ایونٹس کا انعقاد خوش آئند ہے، یہ نہ صرف نوجوانوں کو کھیلوں کی طرف راغب کرتے ہیں بلکہ ملکی کرکٹ کے مستقبل کے لیے بھی حوصلہ افزا ثابت ہوتے ہیں۔
فتتاحی تقریب میں غنی انسٹیٹیوٹ آف کرکٹ کے اعلیٰ حکام بشمول انوار غنی بھی شریک تھے، جنہوں نے چیئرمین پی سی بی کی آمد پر ان کا شکریہ ادا کیا۔
