اسلام آباد: عالمی منڈی میں خام تیل کی قیمتوں میں نمایاں کمی اور مشرقِ وسطیٰ میں جغرافیائی و سیاسی کشیدگی میں نرمی کے بعد ملک میں پیٹرولیم مصنوعات کی قیمتوں میں بڑی کمی کا امکان ظاہر کیا جا رہا ہے۔
ذرائع کے مطابق وفاقی حکومت 20 جون سے پیٹرولیم مصنوعات کی قیمتوں میں 55 روپے فی لیٹر تک کمی پر غور کر رہی ہے۔ وزارتِ خزانہ کی جانب سے پیٹرول کی قیمت میں 20 روپے اور ڈیزل کی قیمت میں 36 روپے فی لیٹر کمی کی تجویز زیر غور ہے، جبکہ پیٹرولیم لیوی میں اضافے کی بھی خواہش ظاہر کی گئی ہے۔
ممکنہ فیصلے کے نتیجے میں ملک بھر کے صارفین کو پیٹرول پمپوں پر نمایاں ریلیف مل سکتا ہے۔
واضح رہے کہ امریکا اور ایران کے درمیان مفاہمتی یادداشت پر دستخط کے بعد عالمی منڈی میں خام تیل کی قیمتوں میں کمی کا رجحان دیکھنے میں آ رہا ہے، جس کے اثرات مقامی مارکیٹ پر بھی مرتب ہونے کی توقع ہے۔
