پاکستان کا ممکنہ ثالثی کردار اہم، امریکا اور ایران کے تنازع میں مذاکرات کی حمایت

امریکا میں پاکستان کے سفیر رضوان سعید شیخ نے کہا ہے کہ امریکا اور ایران کے حالیہ تنازع میں پاکستان کا ممکنہ ثالثی کردار وسیع تر علاقائی مفاد میں ہے، انہوں نے کہا کہ پاکستان نتیجہ خیز مذاکرات کے لیے ہر ممکن سہولت فراہم کرنے کے لیے پرعزم ہے، جبکہ ان کا کہنا تھا کہ حتمی فیصلوں کی ذمہ داری متحارب فریقین پر ہی عائد ہوتی ہے۔