ایشیئن ڈبلز اسکواش چیمپئن شپ میں پاکستان نے شاندار کارکردگی کا مظاہرہ کرتے ہوئے بھارت کو شکست دے کر کوارٹر فائنل کے لیے کوالیفائی کر لیا، جبکہ پاکستان کی دونوں ٹیمیں اگلے مرحلے میں پہنچنے میں کامیاب رہیں۔
پاکستان کے نور زمان اور ناصر اقبال نے بھارت کے راہول بیتھا اور سورج کمار کو مسلسل دو گیمز میں شکست دے کر کامیابی حاصل کی۔ دوسری جانب محمد حمزہ خان اور محمد عاصم خان نے ہانگ کانگ کی جوڑی کو 0-2 سے ہرا کر کوارٹر فائنل میں جگہ بنائی۔
چیمپئن شپ کے کوارٹر فائنل مقابلے آج سراوک، ملائیشیا میں کھیلے جائیں گے، جہاں پاکستانی کھلاڑی مزید کامیابیوں کے لیے میدان میں اتریں گے۔
