پاکستان کی سینئر اداکارہ صاحبہ اور ٹی وی میزبان متھیرا فیشن ایونٹ ‘ریمپ واک اسٹائل رن وے فیشن 2026’ کے دوران ریمپ واک کرتے ہوئے لڑکھڑا گئیں، تاہم دونوں گرنے سے محفوظ رہیں۔
ایونٹ میں صاحبہ نے سرخ رنگ کا برائیڈل لباس جبکہ متھیرا نے ہلکے رنگ کا عروسی جوڑا زیب تن کیا۔ دونوں نے مختلف ڈیزائنرز کے ملبوسات کی نمائش کی، تاہم ان کی ریمپ واک کے دوران توازن بگڑنے کی ویڈیوز سوشل میڈیا پر وائرل ہوگئیں۔
وائرل ویڈیوز میں دیکھا جا سکتا ہے کہ صاحبہ واک کے دوران لڑکھڑا گئیں لیکن خود کو سنبھال لیا، جبکہ متھیرا بھی پراعتماد انداز میں واک کے دوران ایک لمحے کے لیے توازن کھو بیٹھیں، تاہم وہ بھی گرنے سے محفوظ رہیں۔
