ایران کے صوبہ سیستان بلوچستان میں سیکیورٹی فورسز نے کارروائی کرتے ہوئے چھ عسکریت پسندوں کو ہلاک جبکہ دو کو گرفتار کر لیا۔ یہ جھڑپ اس وقت ہوئی جب فورسز اور مسلح افراد کے درمیان فائرنگ کا تبادلہ ہوا۔
ایرانی ذرائع کے مطابق آپریشن کے دوران بڑی مقدار میں ہتھیار اور گولہ بارود قبضے میں لیا گیا، جبکہ اس کارروائی کی ویڈیو بھی منظرعام پر آ گئی ہے۔
حکام کا کہنا ہے کہ ہلاک ہونے والے بیشتر جنگجو غیر ملکی تھے اور ان میں سے کئی اسرائیلی خفیہ ایجنسی موساد سے تربیت یافتہ تھے۔ البتہ ان کی قومیت کے بارے میں تفصیلات جاری نہیں کی گئیں۔
واضح رہے کہ ایک دن پہلے جنوب مشرقی ایران میں مسلح افراد کے حملے میں پانچ پولیس اہلکارجاں بحق ہوئے تھے، جس کے بعد سیکیورٹی اداروں نے یہ بڑی کارروائی کی۔
