ایرانی وفد کی اہم ملاقات ، شہباز شریف نے ثالثی کردار جاری رکھنے کا اعلان

اسلام آباد میں ایرانی وفد نے وزیرِاعظم شہباز شریف سے ملاقات کی، جس میں وزیرِاعظم نے خطے میں امن و استحکام کے لیے پاکستان کے ثالثی کردار کو جاری رکھنے کے عزم کا اعادہ کیا۔ وزیراعظم آفس کے مطابق ایرانی وفد کی قیادت محمد باقر قالیباف نے کی جبکہ عباس عراقچی بھی وفد میں شامل تھے۔ ملاقات میں نائب وزیراعظم اسحاق ڈار، فیلڈ مارشل سید عاصم منیر اور وزیر داخلہ محسن نقوی بھی موجود تھے۔ فریقین نے عالمی و علاقائی امن کی صورتحال پر تبادلہ خیال کیا جبکہ وزیراعظم نے اسلام آباد مذاکرات میں ایرانی وفد کی شرکت کو سراہتے ہوئے کہا کہ پاکستان خلوصِ نیت کے ساتھ خطے میں امن، استحکام اور بامقصد نتائج کے لیے اپنا مخلصانہ کردار جاری رکھے گا۔