پاکستان کرکٹ بورڈ نے ایشین گیمز 2026 کے لیے 15 رکنی قومی سکواڈ کا اعلان کر دیا ہے، جس کی قیادت 30 سالہ صاحبزادہ فرحان کریں گے، جبکہ عبدالصمد کو نائب کپتان مقرر کیا گیا ہے۔
صاحبزادہ فرحان پاکستان کی جانب سے 46 ٹی20 انٹرنیشنل میچز میں 1305 رنز بنا چکے ہیں، جن میں دو سنچریاں اور 10 نصف سنچریاں شامل ہیں۔ دوسری جانب عاکف جاوید، علی رضا، معاذ صداقت اور سعد مسعود پہلی مرتبہ پاکستان کی نمائندگی کے لیے ٹی20 انٹرنیشنل ڈیبیو کے منتظر ہیں۔
ایشین گیمز 2026 کے مردوں کے ٹی20 مقابلے 24 ستمبر سے جاپان کے شہر آئیچی میں شروع ہوں گے، جبکہ تمغوں کے لیے فائنل مقابلے 3 اکتوبر کو کھیلے جائیں گے۔ سکواڈ میں شامل 15 میں سے 14 کھلاڑی 15 جون سے لاہور میں شروع ہونے والے نیشنل کرکٹ اکیڈمی کے وائٹ بال کیمپ کا بھی حصہ ہوں گے۔
پاکستان کے 15 رکنی سکواڈمیں صاحبزادہ فرحان (کپتان)،عبدالصمد (نائب کپتان)، ابرار احمد،احمد دانیال، عاکف جاوید،علی رضا،عرفات منہاس، حیدر علی،حسن نواز،معاذصداقت،محمد سلمان مرزا،سعدمسعود، صائم ایوب،سفیان مقیم اور عثمان خان شامل ہیں۔
