کراچی: شہر کے علاقے قیوم آباد ڈی ایریا میں ڈیڑھ سالہ بچی سے مبینہ زیادتی اور اس کی ہلاکت کے واقعے میں پولیس نے مشتبہ ملزم کو گرفتار کر لیا۔
پولیس کے مطابق ملزم بچی کو گھر سے باہر گھمانے کے بہانے اپنے ساتھ لے گیا تھا۔ کچھ دیر بعد جب وہ بچی کو واپس لایا تو اس کی حالت انتہائی تشویشناک تھی۔
پولیس کا کہنا ہے کہ بچی کو فوری طور پر طبی امداد کے لیے اسپتال منتقل کیا گیا، تاہم وہ دورانِ علاج دم توڑ گئی۔
پولیس کے مطابق واقعے کی تحقیقات جاری ہیں، جبکہ میڈیکل رپورٹ موصول ہونے کے بعد ہی بچی سے مبینہ زیادتی کی تصدیق یا تردید کی جا سکے گی۔
