پاکستان سپر لیگ میں نسیم شاہ انجری کے باعث غیر معینہ مدت کے لیے ٹورنامنٹ سے باہر ہو گئے ہیں۔
پی ایس ایل فرنچائز راولپنڈی پنڈیز نے فاسٹ بولر کی عدم دستیابی کی تصدیق کرتے ہوئے بتایا کہ نسیم شاہ کراچی کنگز کے خلاف میچ کے دوران سائیڈ انجری کا شکار ہوئے۔
ٹیم انتظامیہ کے مطابق انجری کے باعث نسیم شاہ کو کچھ عرصے کے لیے ٹیم سے باہر رہنا ہوگا، تاہم میڈیکل اسٹاف ان کی ریکوری کو مسلسل مانیٹر کر رہا ہے۔
انتظامیہ نے امید ظاہر کی ہے کہ نسیم شاہ ری ہیب اور فٹنس کلیئرنس کے بعد ٹورنامنٹ کے آخری مرحلے میں دوبارہ ٹیم کو جوائن کر سکتے ہیں۔
راولپنڈی پنڈیز نے اپنے بیان میں کہا کہ ٹیم نسیم شاہ کے ساتھ کھڑی ہے اور ان کی مکمل سپورٹ جاری رکھے گی۔
