روس نے امریکا پر زور دیا ہے کہ وہ الٹی میٹم کی زبان ترک کرے اور خطے میں کشیدگی کم کرنے کے لیے مثبت کردار ادا کرے۔
روسی وزیر خارجہ سرگئی لاؤروف نے اپنے بیان میں کہا کہ موجودہ صورتحال کو مذاکرات کے ذریعے معمول پر لانا ضروری ہے۔ انہوں نے امید ظاہر کی کہ ایران سے متعلق تنازع کم کرنے کی کوششیں نتیجہ خیز ثابت ہوں گی۔
سرگئی لاؤروف کے مطابق واشنگٹن کو چاہیے کہ وہ کشیدگی بڑھانے کے بجائے سفارتی راستہ اختیار کرے اور حالات کی بہتری کے لیے عملی اقدامات کرے۔
روس نے ایک بار پھر اس بات پر زور دیا کہ خطے میں امن کے لیے تمام فریقین کو مذاکرات کی میز پر آنا ہوگا۔
