کراچی کے ساؤتھ زون پولیس نے صدر کی زیب النسا اسٹریٹ پر واقع جیولر کی دکان میں ہونے والی 10 کروڑ روپے مالیت کی ڈکیتی کا معمہ حل کرنے کا دعویٰ کیا ہے۔
پولیس کے مطابق واردات کے مبینہ ماسٹر مائنڈ طارق کو گرفتار کر لیا گیا ہے۔ حکام کا کہنا ہے کہ جھنگ سے واردات کے لیے بلائے گئے ملزم مہتاب کی اہلیہ کو بھی حراست میں لیا گیا، جس کی نشاندہی پر سونا، چاندی اور ہیروں سے بھری تجوری سمیت لوٹا گیا سامان برآمد کر لیا گیا۔ یہ ڈکیتی 29 اپریل کی رات انجام دی گئی تھی، جب ملزمان جیولر کی دکان سے کروڑوں روپے مالیت کی تجوری موٹر سائیکل پر لے کر فرار ہو گئے تھے۔
پولیس کے مطابق مرکزی ملزم مہتاب اور اس کے ایک ساتھی کی گرفتاری کے لیے کارروائیاں جاری ہیں۔
