گلگت بلتستان انتخابات میں برتری حاصل کرنے پر چیئرمین پاکستان پیپلز پارٹی بلاول بھٹو زرداری نے پارٹی کارکنان اور جیالوں کو مبارک باد پیش کی ہے۔ انہوں نے کہا کہ پاکستان پیپلز پارٹی سب سے بڑی جماعت بن کر ابھر رہی ہے اور حکومت بنانے کی بھرپور کوشش کرے گی۔
پیپلز پارٹی کی نائب صدر شیری رحمان نے انتخابی کامیابی پر بلاول بھٹو زرداری اور آصفہ بھٹو کو خراجِ تحسین پیش کرتے ہوئے کہا کہ گلگت بلتستان کے عوام نے ترقی، جمہوریت اور عوامی خدمت کے ایجنڈے پر اعتماد کا اظہار کیا ہے۔
دوسری جانب پیپلز پارٹی کے مرکزی سیکرٹری جنرل نیئر بخاری نے الیکشن کمیشن سے مطالبہ کیا ہے کہ تمام انتخابی نتائج جلد از جلد جاری کیے جائیں تاکہ عوامی مینڈیٹ کی مکمل تصویر سامنے آ سکے۔
