وزیر مملکت اور چیئرمین پیوارا بلال بن ثاقب کا فری لانسرز اور نوجوانوں کو پیغام

اسلام آباد: وزیر مملکت اور چیئرمین پیوارا بلال بن ثاقب نے سوشل میڈیا پلیٹ فارم X پر فری لانسرز اور نوجوانوں کو خبردار کرتے ہوئے کہا ہے کہ موجودہ دور میں صرف تعلیم حاصل کرنا کافی نہیں بلکہ مصنوعی ذہانت (اے آئی) کے ساتھ عملی کام سیکھنا ہی کامیابی کی کنجی بن چکا ہے۔ ان کا کہنا تھا کہ دنیا بھر کے فری لانسرز کے لیے اے آئی ایک نیا چیلنج بن کر سامنے آیا ہے کیونکہ خودکار نظام اور کام کرنے کے طریقے تیزی سے تبدیل ہو رہے ہیں۔ بلال بن ثاقب نے بتایا کہ انہوں نے اے آئی ایجنٹس کی مدد سے ایک نیا ورک ماڈل بھی تیار کر لیا ہے، جس کا مقصد نوجوانوں اور فری لانسرز کو جدید ٹیکنالوجی کے مطابق مواقع فراہم کرنا ہے۔