پاکستان سپر لیگ (پی ایس ایل) کے 11ویں ایڈیشن میں آج ایک اہم میچ کھیلا جائے گا۔ لاہور قلندرز اور کوئٹہ گلیڈی ایٹرز کی ٹیمیں شام 7 بجے کراچی کے نیشنل کرکٹ اسٹیڈیم میں آمنے سامنے ہوں گی۔
دونوں ٹیمیں میچ جیتنے کے لیے پرعزم ہیں اور بہترین کارکردگی دکھانے کی کوشش کریں گی۔
پوائنٹس ٹیبل کے مطابق پشاور زلمی 13 پوائنٹس کے ساتھ سرفہرست ہے۔
لاہور قلندرز اس وقت ساتویں جبکہ کوئٹہ گلیڈی ایٹرز چھٹی پوزیشن پر موجود ہیں۔
لاہور قلندرز نے اب تک 5 میچز کھیلے ہیں جن میں 2 میں کامیابی اور 3 میں شکست کا سامنا کرنا پڑا۔
کوئٹہ گلیڈی ایٹرز نے 6 میچ کھیلے ہیں جن میں 2 میں فتح اور 4 میں ناکامی ہوئی۔
آج کا میچ دونوں ٹیموں کے لیے پوائنٹس ٹیبل پر بہتر پوزیشن حاصل کرنے کے لیے انتہائی اہم ہے۔
