کراچی میں میڈیا سے گفتگو کرتے ہوئے ڈی سی ساؤتھ نے میڈ یا سے گفتگو کرتے ہوئے کہا ہے کہ گل پلازہ کے ملبے تلے ممکنہ لاشوں کو نکالنے کے لیے ریسکیو آپریشن جاری ہے۔
واقعے میں 55 سے 60 افراد جاں بحق ہوئے جن میں سے 48 کی شناخت اور پوسٹ مارٹم مکمل ہو چکا جبکہ 86 افراد تاحال لاپتا ہیں۔ ڈی سی کے مطابق ملبہ ہٹانے کے دوران مشینری کے استعمال سے عمارت گرنے کا خدشہ تھا جس کے باعث کام عارضی طور پر روکا گیا اور ریسکیو اہلکار دوبارہ عمارت میں داخل ہوئے ہیں۔
عمارت کو مکمل طور پر دوبارہ سرچ کیا جا رہا ہے اور ملبے کے نیچے گرنے والے حصوں میں سرچنگ ملبہ ہٹانے کے بعد کی جائے گی۔
انہوں نے بتایا کہ لاشوں اور شہریوں کے ڈی این اے سیمپل لیے جا رہے ہیں جبکہ چند اعضا کی تشخیص میں مشکلات پیش آ رہی ہیں، واقعے کی تحقیقات جاری ہیں اور فائر سیفٹی انتظامات نہ ہونے پر 6 عمارتوں کو نوٹس بھی جاری کیے گئے ہیں۔
