عالمی بینک نے پاکستان کے لیے 700 ملین ڈالر کی فنانسنگ کی منظوری دے دی ہے۔
عالمی بینک کے مطابق یہ منظوری پاکستان پبلک ریسورسز فار انکلوژو ڈیولپمنٹ پروگرام کے تحت دی گئی ہے، جس کا مقصد ملک میں میکرو اکنامک استحکام کو فروغ دینا اور عوامی خدمات کے نظام کو بہتر بنانا ہے۔
عالمی بینک کے مطابق پروگرام کے تحت مجموعی طور پر 1.35 ارب ڈالر تک فنانسنگ فراہم کی جائے گی، 600 ملین ڈالر وفاق اور 100 ملین ڈالر سندھ کیلئے منظور کیے گئے ہیں، فنڈز کی فراہمی اصلاحاتی اہداف کے حصول سے مشروط ہوگی۔
عالمی بینک کا کہنا ہے کہ منصوبہ ٹیکس نظام میں بہتری اور شفاف مالی نظم و نسق پر مرکوز ہے، ڈیجیٹل ڈیٹا اور مالیاتی نظام کو بہتر بنا کر سروس ڈیلیوری میں بہتری کا ہدف ہے۔
