ھارتی فلم انڈسٹری میں پاکستان مخالف مواد پر مبنی ایک اور جنگی فلم ’بارڈر 2‘ کا ٹیزر جاری کر دیا گیا ہے۔
تفصیلات کے مطابق فلم 1971 کی پاک بھارت جنگ کو بنیاد بنا کر بنائی گئی ہے، اور ٹیزر میں سنی دیول کو جنگی نعرے لگاتے اور جارحانہ مکالمے کہتے ہوئے دکھایا گیا ہے۔ ایک منظر میں سنی دیول جنگی نعرہ لگاتے ہیں، “آواز کہاں تک جانی چاہیے؟” جس کے جواب میں فوج کی جانب سے “لاہور تک” کا نعرہ دیا جاتا ہے۔ یہ منظر حب الوطنی کے اظہار کے طور پر پیش کیا گیا، تاہم پاکستانی ناظرین اور مبصرین کے نزدیک یہ مکالمہ پاکستان مخالف اور اشتعال انگیز بیانیے کی عکاسی کرتا ہے۔
فلم میں ورون دھون، دلجیت دوسانجھ اور اہن شیٹی بھی شامل ہیں۔ فلم کی ریلیز کی تاریخ 23 جنوری 2026 مقرر کی گئی ہے، تاہم ٹیزر کو تکنیکی معیار اور بصری اثرات کی بنا پر بھارتی میڈیا میں بھی تنقید کا سامنا ہے
