سعودی عرب کے ولی عہد اور وزیراعظم شہزادہ محمد بن سلمان نے مملکت میں کام کرنے والے صنعتی شعبے کے غیر ملکی کارکنوں سے اقامہ فیس ختم کرنے کی منظوری دے دی ہے۔
یہ فیصلہ سعودی ولی عہد کی صدارت میں منعقدہ کابینہ اجلاس میں اقتصادی اور ترقیاتی امور کی کونسل کی سفارشات کی بنیاد پر کیا گیا۔
یہ فیصلہ اقتصادی اور ترقیاتی امور کی کونسل کی سفارش کی بنیاد پر کیا گیا۔ یہ فیصلہ سعودی ولی عہد اور وزیراعظم شہزادہ محمد بن سلمان کی ان کاوشوں کی عکاسی کرتا ہے جن کا مقصد قومی صنعت کو مضبوط بنانا اور بین الاقوامی سطح پر اس کی پائیداری اور مسابقت کو فروغ دینا ہے
ماہرین کے مطابق اس اقدام سے نہ صرف صنعتی شعبے میں سرمایہ کاری میں اضافہ متوقع ہے بلکہ غیر ملکی کارکنوں کے لیے مملکت میں کام کرنا بھی مزید آسان ہو جائے گا
