وزیراعظم شہباز شریف نے حلال گوشت کی برآمدی پالیسی کی باضابطہ منظوری دے دی ہے۔ پالیسی کا مقصد ملک میں حلال گوشت کی برآمدات میں اضافہ اور بین الاقوامی منڈیوں میں پاکستان کی موجودگی مضبوط کرنا ہے۔
وزیراعظم کی زیرصدارت حلال گوشت کی برآمدی پالیسی پر جائزہ اجلاس بھی ہوا، جس میں حلال گوشت کی برآمدات بڑھانے کے لیے دو ہفتوں میں حکمتِ عملی اور تین سالہ جامع منصوبہ بندی پیش کرنے کی ہدایت دی گئی۔
ماہرین کا کہنا ہے کہ یہ اقدام پاکستان کی معیشت کو مستحکم کرنے اور زرمبادلہ کے ذخائر بڑھانے میں اہم کردار ادا کرے گا۔
وزیراعظم نےکہاکہ مسلم ممالک اورعالمی حلال گوشت مارکیٹ میں پاکستان کا برآمدی حصہ قابلِ قدر بنانا ہوگا،جس کے لیےمتعلقہ وزارتوں اورصوبائی حکومتوں کے درمیان مؤثر ہم آہنگی ناگزیر ہے۔
انہوں نے کمیٹی کو ہدایت کی کہ پیداوار، کولڈ اسٹوریج اوردیگر عوامل بہتر بنانے کے لیےقابلِ عمل تجاویز دی جائیں،شہبازشریف نےزوردیاکہ لائیو اسٹاک میں حلال گوشت کی پیداوارعالمی معیارکےمطابق ہونی چاہیے،علاقائی سطح پر پیداواری مسابقت بڑھانے کے لیےخصوصی اقدامات کیے جائیں۔
