متحدہ عرب امارات میں تیز طوفانی بارشوں کے باعث نظام زندگی متاثر ہو گیا، جس کے بعد پولیس نے الرٹ جاری کر دیا ہے۔
اماراتی ریاستوں فجیرہ اور راس الخیمہ میں شدید بارشوں کا سلسلہ جاری ہے، جبکہ شارجہ اور دبئی کے مختلف علاقوں میں کہیں ہلکی اور کہیں تیز بارش سے موسم خوشگوار ہو گیا ہے۔
محکمہ موسمیات کے مطابق آج اور کل تیز طوفانی بارش کے ساتھ ژالہ باری کا امکان ہے، اور ہواؤں کی رفتار 65 کلومیٹر فی گھنٹہ تک پہنچنے کی توقع ہے۔
اس صورتحال کے پیش نظر دبئی پولیس نے شہریوں کو ساحلی علاقوں سے دور رہنے اور کشتی رانی سے گریز کرنے کی ہدایت کی ہے، جبکہ شارجہ پولیس نے بارش کے دوران تیز ڈرائیونگ سے محتاط رہنے اور حفاظتی تدابیر اختیار کرنے کی اپیل کی ہے۔
