کراچی: ڈی آئی جی ٹریفک پولیس کراچی پیر محمد شاہ نے کہا ہے کہ جعلی نمبر پلیٹس استعمال کرنے والے افراد مجرم ہیں اور انہیں جیل بھیجا جانا چاہیے۔ ای چالان سسٹم کے نفاذ کے بعد ٹریفک حادثات میں نمایاں کمی آئی ہے۔
مارننگ شو میں گفتگو کرتے ہوئے ڈی آئی جی ٹریفک نے دعویٰ کیا کہ ای چالان سسٹم شروع ہونے کے بعد ٹریفک حادثات میں تقریباً 50 فیصد کمی واقع ہوئی ہے۔ انہوں نے کہا کہ ای چالان کے آغاز کے بعد بعض افراد نے جرمانوں سے بچنے کے لیے گاڑیوں پر جعلی نمبر پلیٹس لگانا یا نمبر چھپانا شروع کر دیا ہے، تاہم ایسے تمام افراد کے خلاف جرمانے اور قانونی کارروائی کی جائے گی۔
انہوں نے کہا کہ جب سے ای چالان شروع ہوئے عوام نے گاڑیوں کی جعلی نمبرپلیٹس لگائی ہیں، جعلی نمبر پلیٹس اور جن گاڑیوں پلیٹس کا نمبر چھپاہوا ہے ان پرجرمانہ ہوگا۔
واضح رہے کہ گزشتہ روز کراچی پولیس چیف جاوید عالم اوڈھو نے بھی شہر میں جعلی نمبر پلیٹس کے خلاف بڑے پیمانے پر مہم شروع کرنے کا اعلان کیا تھا۔
