سلمان مرزا اور فہیم اشرف کی ٹی 20 رینکنگ میں لمبی چھلانگ

جنوبی افریقا کے خلاف ٹی 20 سیریز میں کامیابی کے بعد فاسٹ بولر سلمان مرزا اور فہیم اشرف نے ٹی 20 رینکنگ میں لمبی چھلانگ لگائی ہے۔
آئی سی سی کی جانب سے جاری کردہ ٹی 20 رینکنگ کے مطابق اوپنر صاحبزادہ فرحان 11ویں نمبر پر برقرار ہیں جبکہ بابر اعظم 563 پوائنٹس کے ساتھ 9 درجے ترقی پاکر 30ویں نمبر پر ہیں۔
صائم ایوب 544 پوائنٹس کے ساتھ 10 درجے بہتری کے بعد 39 ویں نمبر پر پہنچ گئے جبکہ وکٹ کیپر بلے باز محمد رضوان دو درجے تنزلی کے بعد 42 ویں نمبر پر پہنچ گئے۔
ٹی ٹوئنٹی کپتان سلمان علی آغا بھی 10 درجے بہتری کے ساتھ 54 ویں نمبر پر براجمان ہیں جبکہ فخر زمان چار درجے تنزلی کے ساتھ 63 ویں نمبر پر پہنچ گئے ہیں۔ حسن نواز 69 ویں اور محمد حارث چار درجے تنزلی کے ساتھ 82 ویں نمبر پر موجود ہیں۔
بھارت کے ابھیشیک شرما ٹی 20 بیٹنگ رینکنگ میں بدستور سرفہرست ہیں، اس کے بعد انگلینڈ کے فل سالٹ دوسرے اور بھارت کے تلک ورما تیسرے نمبر پر ہیں۔
بولرز کی رینکنگ میں ابرار احمد آٹھویں نمبر پر براجمان ہیں جبکہ شاہین آفریدی 630 پوائنٹس کے ساتھ تین درجے ترقی کر کے 13ویں نمبر پر آگئے ہیں۔
اسپنر سفیان مقیم 23 ویں جبکہ محمد نواز ایک درجہ تنزلی کے ساتھ 32 ویں نمبر پر پہنچ گئے۔ حارث رؤف تین درجے تنزلی کے ساتھ 37 ویں نمبر پر پہنچ گئے۔
نوجوان فاسٹ بولر سلمان مرزا جنہوں نے جنوبی افریقہ کے خلاف دوسرے ٹی 20 میں شاندار اسپیل سے متاثر کیا، 513 پوائنٹس کے ساتھ 98 مقام کی نمایاں چھلانگ لگا کر 45 ویں نمبر پر پہنچ گئے۔
فہیم اشرف بھی 50 درجے بہتری کے ساتھ 502 پوائنٹس کے ساتھ 51 ویں نمبر پر ہیں۔
بھارت کے ورون چکرورتی نے ٹی 20 بولرز میں سرفہرست مقام برقرار رکھا، اس کے بعد ویسٹ انڈیز کے اکیل ہوسین اور افغانستان کے راشد خان ہیں۔
آل راؤنڈرز کی رینکنگ میں محمد نواز چار درجے تنزلی کے ساتھ 10ویں نمبر پر آگئے، فہیم اشرف 110 پوائنٹس کے ساتھ 8 درجے بہتری کے ساتھ 30 ویں نمبر پر آگئے۔
صائم ایوب دنیا کے نمبر 1 ٹی 20 آل راؤنڈر ہیں اس کے بعد زمبابوے کے سکندر رضا، جو تین درجے ترقی کر کے دوسرے نمبر پر ہیں