افغان طالبان رجیم کیساتھ مذاکرات میں شرکت کیلئے پاکستانی وفد استنبول روانہ ہوگیا ہے، ثالثوں کی موجودگی میں بات چیت ہوگی۔
پاکستان اور افغان طالبان رجیم کے درمیان ہونے والے مذاکرات کے پہلے دور میں کوئی خاص پیشرفت سامنے نہیں آسکی تھی، وفاقی وزیر اطلاعات عطا تارڑ نے استنبول میں پاک افغان طالبان کے درمیان ہونے والے مذاکرات کی ناکامی کا بھی اعلان کیا تھا۔
وزیراطلاعات عطا تارڑ کے مطابق 4 روزہ مذاکرات کے بعد بات چیت میں قابل عمل حل نہیں نکالا جاسکا، ترکی اور قطر کی میزبانی میں ہونے والے پاک افغان طالبان مذاکرات چار روزہ بات چیت کے بعد اختتام پذیر ہوگئے تھے۔
مذاکرات کی اس سے قبل ہونے والی بیٹھک میں افغان طالبان کی جانب سے کوئی قابلِ عمل یقین دہانی یا ٹھوس اقدام سامنے نہیں آیا۔
پہلے دور میں کوئی ٹھوس نتیجہ نہ نکلنے کے بعد ایک بار پر پاکستانی وفد استنبول روانہ ہوچکا ہے جہاں ایک نکاتے ایجنڈے پر بات چیت کی جائے گی۔
ذرائع نے بتایا کہ وفد کل افغان طالبان رجیم سے مذاکرات میں پاکستان کی نمائندگی کریگا، پاکستان اور افغان طالبان رجیم میں مذاکرات ثالثوں کی موجودگی میں ہونگے
