عوام کو سستا گوشت فراہم کرنے کیلئےایکسپورٹ پر پابندی کی تجویز

لاہور(23 اکتوبر 2025): حکومت نے عوام کو سستا گوشت فراہم کرنے کیلئے مٹن، بیف اور چکن کی ایکسپورٹ پر پابندی کی تجویز دی ہے۔
ذرائع وزارت پیداوار کے مطابق حکومت کی جانب سے عوام کو سستا گوشت فراہم کرنے کا فیصلہ کیا گیا ہے، سیلاب سے زراعت اور لائیو اسٹاک متاثر ہوئے ہیں۔
 ذرائع کا کہنا ہے کہ لائیو اسٹاک متاثر ہونے کے بعد مٹن، بیف، انڈے اور چکن کی ایکسپورٹ پر کچھ عرصے کیلئے پابندی کی تجویز  دی گئی ہے، ان چیزوں کی ایکسپورٹ پر پابندی سے ان کی قیمتیں کم ہوں گی۔
ذرائع وزارت پیداوار کا کہنا ہے کہ گوشت کی بے جا بڑھتی قیمتوں کا اثر چکن پر بھی پڑ رہا ہے، مٹن فی کلو 2500 سے 3 ہزار روپے میں فروخت ہورہا ہے، لاہور سمیت ملک کے کسی شہر میں سرکاری قیمتوں پر فروخت نہیں ہو رہی ہے۔
ذرائع وزارت پیداوار کا مزید کہنا تھا کہ بیف کی سرکاری قیمت800 اور مٹن کی 1600 روپے کلو ہے، ایکسپورٹ پر پابندی لگنے سے قیمت کم ہو سکے گی، مڈل ایسٹ ممالک  کو گوشت کی ایکسپورٹ جاری ہے۔