انڈونیشیا نے اسرائیلی جمناسٹک ٹیم کو ویزا دینے سے انکار کر دیا۔
غیرملکی خبرایجنسی کے مطابق انڈونیشیا نے اسرائیلی کھلاڑیوں کو عالمی چیمپئن شپ میں شرکت سے روک دیا۔ جکارتہ میں19 سے 25 اکتوبر تک ورلڈآرٹسٹک جمناسٹکس چیمپئن شپ شیڈول ہے۔
انڈونیشین جمناسٹکس فیڈریشن کے سربراہ کا کہنا ہے کہ ایونٹ میں اسرائیلی ٹیم کی شرکت منسوخ ہو گئی ہے۔ انڈونیشین وزیرقانون کا کہنا ہے کہ حکومت اور اسلامی رہنماؤں کی سفارش پر ویزا دینے سے انکار کیا۔
اسرائیل جمناسٹکس فیڈریشن نے فوری طور پر تبصرہ کے لیے ای میل کی درخواست کا جواب نہیں دیا۔
دونوں ممالک کے درمیان کھیلوں سے متعلق یہ پہلا تنازعہ نہیں ہے۔
مارچ 2023 میں ایک علاقائی گورنر کی جانب سے اسرائیلی ٹیم کی میزبانی سے انکار کرنے کے بعد، فیفا نے اپنے وعدوں کو پورا کرنے میں ناکامی کا حوالہ دیتے ہوئے، انڈونیشیا کو انڈر 20 ورلڈ کپ کے میزبان کے طور پر چھوڑ دیا تھا
