کراچی(10 ستمبر 2025): ڈپٹی ڈائریکٹر محکمہ موسمیات خبردار کیا ہے کہ کراچی میں بارش کا موجودہ اسپیل آج شدت اختیار کرے گا۔
تفصیلات کے مطابق کراچی میں رات بھر وقفے وقفے سے کہیں ہلکی اور کہیں تیز بارش کا سلسلہ جاری ہے، جس کے باعث، بعض مقامات پر پانی کھڑا ہوگیا۔
تاہم اب ڈپٹی ڈائریکٹر محکمہ موسمیات انجم نذیر نے کہا ہے کہ دوپہر کے بعد کراچی کے مختلف علاقوں میں بارش کا امکان ہے، بارش کا موجودہ اسپیل آج شدت اختیار کرےگا۔
ڈپٹی ڈائریکٹر کا کہنا ہے کہ کراچی کے مغربی اور جنوبی علاقوں میں بارش کی شدت میں اضافے کا امکان ہے جبکہ کل سے صورتحال میں بہتری آئے گی
