فلسطینیوں کو جبراً بےدخل کر کے کہاں بسایا جائے گا؟ نیا اسرائیلی منصوبہ

خبر ایجنسی کے مطابق اسرائیل نے غزہ کے فلسطینیوں کو صومالی لینڈ میں بسانے کے لیے رابطہ کیا ہے۔
انسانی حقوق تنظیموں کا کہنا ہے کہ فلسطینیوں کی جبری آبادکاری سے صومالی لینڈ نسل کشی میں شریک ہو جائے گی ایسےاقدام سے صومالی لینڈ کیلئے عالمی ہمدردی اور حمایت واپس لی جا سکتی ہے۔
امریکی ریپبلکن ارکان کانگریس نے صومالی لینڈ کو آزاد ریاست تسلیم کرنے کا بل پیش کیا ہے جسے ریپبلکن رکن اسکاٹ پیری اور پیٹ ہیریگن سمیت کئی قدامت پسند رہنماؤں کی حمایت حاصل ہے۔
بل کےمتن میں کہا گیا ہے کہ صومالیہ کے صومالی لینڈ پر دعوے بےبنیاد ہیں۔ جون میں پیش کیے گئے بل میں امریکا سے صومالی لینڈ کو آزاد ملک تسلیم کرنے کا مطالبہ کیا گیا۔
امریکی صدر کا کہنا ہے کہ معاملے پر غور کر رہے ہیں یہ پیچیدہ سوال ہے صومالی لینڈ کی آزادی اور فلسطینیوں کی آبادکاری کا مسئلہ زیرغور ہے۔
صومالی لینڈ اسرائیل سے تعلقات بہتر بنانے اور ابراہیمی معاہدوں کی حمایت کر چکا ہے جب کہ صومالیہ کے سفیر نےخبردار کیا ہے کہ صومالی لینڈ کی آزادی علاقائی عدم استحکام کا سبب بنےگی، اقدام عسکری گروہوں کو مضبوط کر کے پورے افریقا کو غیرمستحکم کرےگا۔
صومالی لینڈ کے حکام نے جبری آبادکاری پر خاموشی اختیار کی لیکن امریکی توجہ کا خیرمقدم کیا