سابق کرکٹر کرس گیل نے حالیہ انٹرویو میں کہا کہ عزت نہ ملنے کی وجہ سے آئی پی ایل سے جلد ریٹائرمنٹ لی، میرے ساتھ پنجاب کنگز کا برتاؤ اچھا نہیں تھا، مجھے ایسا لگتا تھا کہ کندھوں پر بلڈنگ جتنا بوجھ ہو۔
انہوں نے کہا کہ زندگی میں پہلی مرتبہ ڈپریشن موڈ میں گیا، آپ کی مینٹل ہیلتھ پیسے سے زیادہ اہم ہے۔
کرس گیل کا کہنا تھا کہ میں نے انیل کمبلے کو کال کی ون آن ون بات ہوئی، یقین جانیں گفتگو کے دوران میرا بریک ڈاؤن ہو گیا، میں رو پڑا تھا مجھے انیل کمبلے سے بہت دکھ تھا، میں نے ان کا شکریہ ادا کیا میں بات بھی جاری نہیں رکھ پا رہا تھا۔
ان کا کہنا تھا کہ کپتان کے ایل راہول نے کال کی، کرس تم یہاں رکنا چاہتے ہو تم اگلا میچ کھیلو گے؟ میں نے کہا کہ سنو آپ سب کھلاڑیوں کو آل دی بیسٹ، میں نے اپنا سامان باندھا اور چلا گیا۔
واضح رہے کہ کرس گیل نے آئی پی ایل کے 4 سیزن پنجاب کنگز کی طرف سے کھیلے تھے
