ہتک عزت کیس میں ٹرمپ کو کروڑوں ڈالر ہرجانہ ادا کرنے حکم برقرار

بین الاقوامی میڈیا رپورٹس کے مطابق امریکی عدالت کی جانب سے فیصلہ مصنفہ ای جین کیرول کو ہراساں کرنے اور بدنام کرنے پر دیا گیا۔
اپیل کورٹ نے قرار دیا کہ جیوری کا فیصلہ درست ہے ساتھ ہی ہرجانے کا حکم غیرمعمولی اور حقائق کے مطابق ہے۔
عدالتی فیصلے کے بعد ٹرمپ کو ای جین کیرول کے خلاف ہتک عزت پر بھاری جرمانہ دینا ہو گا۔
گزشتہ سال امریکی عدالت نے ٹرمپ کو 83 ملین ڈالر ہرجانہ ادا کرنے کا حکم سنایا تھا۔ صدر کو لکھاری Jean Carroll کو 83 ملین ڈالر دینا ہوں گے جنہیں ٹرمپ نے سرعام جھوٹا کہا تھا اور ان کی توہین کی تھی۔
لکھاری Jean Carrollکی جانب سے الزام عائد کیا گیا تھا کہ سابق امریکی صدر ٹرمپ نے 1990 کی دہائی میں ان پر جنسی حملہ کیا تھا۔
صدر ٹرمپ نے ہتک عزت سے متعلق جیوری کے فیصلے کو مضحکہ خیز قرار دیتے ہوئے فیڈرل کوٹ میں اپیل دائر کی تھی۔