راولپنڈی کے نجی ہوٹل میں خاتون سے اجتماعی زیادتی اور ویڈیو بنانے کا انتہائی افسوسنا ک واقعہ پیش آیا ہے، پولیس نےمتاثرہ خاتون کی مدعیت میں دو ملزمان کیخلاف مقدمہ درج کر لیا ہے ،  مدعیہ کے مطابق اس نے ملزمان سے چکن اور سبزی ادھار لی جس کے پیسے وہ وقت پر ادا نہیں کرسکی تھی ۔

ایف آئی آر کے مطابق  خاتون سے مبینہ زیادتی کا واقعہ لیاقت روڈ پر نجی ہوٹل میں پیش آیا ،  مدعیہ نے کہا ہے اس کا خاوند بیرون ملک مقیم ہے ۔ اس نے بیٹی کی چند ماہ قبل شادی کی اور وقوعہ کے روز شاپنگ کیلئےراجہ بازار میں تھی ۔ لیاقت روڈ پر ظہیرعباس ملا،بیوی سے ملاقات کا بہانہ بنا کرنجی ہوٹل لےگیا،جہاں کمرے میں ملزم نے موبائل فون چھین کر دھمکیاں دیں،گھبرا کر بے ہوش ہو گئی،تو ملزمان نے ویڈیو بنائی ،دھمکیاں دیں اور پانچ لاکھ روپے کا مطالبہ کیا ۔ مدعیہ کے مطابق ظہیر عباس اور احسن شفیق سے سبزی اور چکن ادھار لیا تھا اور پیسے بروقت ادا نہیں  کر سکی تھی ۔