شدید بارش کے بعد شہر کے مختلف علاقوں میں قوسِ قزح کا حسین نظارہ دیکھا گیا، جس نے فضا کو رنگوں سے بھر دیا۔ سعدی ٹاؤن سمیت کئی مقامات سے لی گئی تصاویر میں بادل چھٹنے کے ساتھ ہی آسمان پر مکمل قوسِ قزح نمایاں ہوئی، جو شہریوں کے لیے ایک نادر اور خوشگوار لمحہ ثابت ہوئی۔
شہریوں نے اس دلکش منظر کو اپنے موبائل کیمروں میں قید کر کے سوشل میڈیا پر شیئر کیا، جہاں یہ تصاویر اور ویڈیوز تیزی سے وائرل ہو گئیں۔
