سونے کی قیمت میں ہزاروں کا اضافہ، خریدار پریشان

کراچی: ملک بھر میں سونے کی قیمت میں ایک بار پھر نمایاں اضافہ ریکارڈ کیا گیا ہے۔ آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 3 ہزار 400 روپے اضافہ ہوا ہے جس کے بعد نئی قیمت 4 لاکھ 90 ہزار 362 روپے ہو گئی ہے۔ اسی طرح 10 گرام سونے کی قیمت 2 ہزار 915 روپے اضافے کے بعد 4 لاکھ 20 ہزار 406 روپے تک پہنچ گئی ہے۔ واضح رہے کہ گزشتہ روز سونے کی قیمت میں 7 ہزار 100 روپے کی کمی دیکھنے میں آئی تھی، جس کے بعد آج دوبارہ اضافہ سامنے آیا ہے۔