امریکی صدر ڈونلڈ ٹرمپ کے شہریت سے متعلق ایک بیان نے بھارت میں سیاسی ہلچل مچا دی، جس میں انہوں نے بھارت کو “جہنم کا گڑھا” اور بھارتیوں کو “لیپ ٹاپ گینگسٹر” قرار دیا۔ اس بیان کے بعد بھارت میں شدید ردعمل سامنے آیا۔
بھارتی حکومت کی جانب سے ردعمل دیتے ہوئے ترجمان نے کہا کہ انہوں نے اس حوالے سے کچھ رپورٹس دیکھی ہیں اور فی الحال صرف اتنا ہی کہیں گے۔
دوسری جانب بھارتی اپوزیشن جماعت کانگریس نے مودی حکومت کو نشانہ بناتے ہوئے کہا کہ توقع نہیں کہ نریندر مودی ٹرمپ کو جواب دینے کی جرات کریں گے۔ کانگریس کے مطابق مودی ایک کمزور وزیراعظم ثابت ہوئے ہیں اور اس کا خمیازہ پورا بھارت بھگت رہا ہے۔
سوشل میڈیا پر بھی بھارتی صارفین نے مودی حکومت کو شدید تنقید کا نشانہ بنایا، جبکہ بعض افراد نے ٹرمپ کے ریمارکس کو بھارت کی موجودہ صورتحال پر سخت تبصرہ قرار دیا۔
