ایران کے وزیر خارجہ عباس عراقچی نے پاکستان کی سیاسی اور عسکری قیادت سے ٹیلیفونک رابطے کیے ہیں، جن میں خطے کی تازہ صورتحال اور جنگ بندی سے متعلق امور پر تبادلہ خیال کیا گیا۔
ایرانی خبر ایجنسی کے مطابق عباس عراقچی نے نائب وزیراعظم و وزیر خارجہ اسحاق ڈار اور فیلڈ مارشل عاصم منیر سے علیحدہ علیحدہ گفتگو کی۔
رپورٹ کے مطابق رابطوں کے دوران خطے میں کشیدگی، امن و استحکام اور جنگ بندی کے امکانات پر تفصیلی تبادلہ خیال کیا گیا۔
واضح رہے کہ پاکستان امریکا اور ایران کے درمیان جنگ بندی کیلئے سفارتی کوششیں جاری رکھے ہوئے ہے۔ وزیراعظم شہباز شریف، وزیر خارجہ اسحاق ڈار اور فیلڈ مارشل عاصم منیر مختلف ممالک کی قیادت سے مسلسل رابطے میں ہیں۔
