سعودی حج سکیورٹی فورس کی حج ضوابط کی خلاف ورزی پرکارروائی، 5 افراد گرفتار

سعودی حج سکیورٹی فورس نے حج ضوابط کی خلاف ورزی پر قصیم اور مکہ میں 5 افراد کو گرفتار کر لیا۔ حکام کے مطابق ملزمان پر دھوکا دہی اور جعلی پرمٹ کے الزامات ہیں جبکہ سعودی حکومت نے بغیر اجازت حج سے متعلق خلاف ورزیوں پر سخت سزاؤں کا اعادہ کیا ہے۔ وزارت داخلہ نے خبردار کیا ہے کہ غیرقانونی سہولت فراہم کرنے والوں کے خلاف بھی سخت کارروائی کی جائے گی۔