یہ ظلم و بربریت صرف چند صحافیوں پر نہیں بلکہ پوری صحافت پر حملہ ہے۔ اسلام آباد پریس کلب میں پولیس کی جانب سے ہمارے ساتھیوں پر کیا جانے والا شرمناک اور وحشیانہ تشدد آزادیٔ اظہار پر کاری ضرب ہے جس کی جتنی بھی مذمت کی جائے کم ہے۔ ہم اپنے زخمی اور نشانہ بننے والے ساتھیوں کے ساتھ پوری جرات اور یکجہتی کے ساتھ کھڑے ہیں اور یہ اعلان کرتے ہیں کہ ذمہ دار عناصر کو قانون کے کٹہرے میں لائے بغیر یہ معاملہ ختم نہیں ہوگا۔
ہم تمام صحافتی تنظیموں، پریس کلبز، انسانی حقوق کے اداروں اور شہری آزادی کے علمبرداروں سے اپیل کرتے ہیں کہ اس ریاستی جبر اور کُندہ گردی کے خلاف ایک آواز بنیں، تاکہ قلم اور سچائی کی طاقت کو دبانے کی ہر کوشش ناکام ہو۔
اگر اس نازک موڑ پر خاموشی اختیار کی گئی تو یہ خاموشی آنے والے وقت میں پوری صحافت اور جمہوری اقدار کے گلا گھونٹنے کا باعث بنے گی۔ اس لیے ہم پرزور مطالبہ کرتے ہیں کہ فوری اور شفاف تحقیقات کی جائیں، ذمہ داران کو عبرت ناک سزا دی جائے، اور متاثرہ صحافیوں کو مکمل تحفظ اور معاوضہ فراہم کیا جائے۔
یہ صرف ایک مطالبہ نہیں بلکہ صحافتی آزادی، جمہوری بقا اور سچائی کی جنگ ہے—اور ہم یہ جنگ ہر حال میں لڑیں گے۔
