وزیر دفاع کا دعویٰ: پی ٹی آئی میں اختلافات کے باوجود ایک معاملے پر اتفاق

اسلام آباد: وزیر دفاع خواجہ آصف نے سوشل میڈیا پر جاری بیان میں کہا ہے کہ پی ٹی آئی کے مختلف گروپوں میں اختلافات کے باوجود ایک معاملے پر مکمل اتفاق پایا جاتا ہے کہ عمران خان جیل میں رہیں۔ انہوں نے دعویٰ کیا کہ خیبرپختونخوا حکومت بانی پی ٹی آئی کے لیے “رہائی فورس” بنانے کی بات کرتی ہے مگر دہشتگردی کے خلاف مؤثر مؤقف اختیار نہیں کرتی، جبکہ روزانہ پولیس اہلکاروں کی شہادتوں کے باوجود ترجیحات سیاسی رہتی ہیں۔ خواجہ آصف کا کہنا تھا کہ سکیورٹی صورتحال سنگین ہونے کے باوجود حکومت کی توجہ دیگر معاملات پر مرکوز ہے۔