وفاقی وزیر داخلہ محسن نقوی نے کہا ہے کہ افغان طالبان کی جانب سے حملہ سنگین غلطی ہے اور اس کے نتائج بھگتنا پڑیں گے۔ انہوں نے شہری آبادی کو نشانہ بنانے کی شدید الفاظ میں مذمت کرتے ہوئے کہا کہ دشمن نے رات کی تاریکی میں بزدلانہ وار کر کے معصوم شہریوں کو نشانہ بنانے کی کوشش کی۔
وزیر داخلہ نے افغان طالبان کی جارحیت کو ناقابلِ برداشت قرار دیتے ہوئے کہا کہ پاک فوج نے مؤثر اور منہ توڑ جواب دیا، جبکہ قوم اپنی مسلح افواج کے شانہ بشانہ کھڑی ہے۔
