وزیراعظم شہباز شریف نے افغان طالبان کو مؤثر جواب دینے پر پاک فوج کو خراجِ تحسین پیش کرتے ہوئے کہا ہے کہ افواجِ پاکستان ہر جارحانہ عزائم کو ناکام بنانے کی مکمل صلاحیت رکھتی ہیں اور ملک کے امن و تحفظ پر کوئی سمجھوتہ نہیں کیا جائے گا۔
انہوں نے کہا کہ فیلڈ مارشل عاصم منیر کی قیادت میں افواج پیشہ ورانہ مہارت اور مؤثر دفاعی حکمتِ عملی کے ساتھ فرائض انجام دے رہی ہیں اور کسی بھی اندرونی یا بیرونی چیلنج سے نمٹنے کے لیے تیار ہیں، جبکہ پاکستان ہمیشہ امن کا حامی رہا ہے اور قوم اپنی افواج کے شانہ بشانہ کھڑی ہے۔
