وزیراعظم کا حکومتی مذاکراتی کمیٹی اور جوائنٹ ایکشن کمیٹی میں معاہدے کا خیر مقدم

وزیراعظم شہباز شریف نے حکومتی مذاکراتی کمیٹی اور جوائنٹ ایکشن کمیٹی نے معاہدے کا خیر مقدم کیا ہے۔
وزیراعظم شہباز شریف  آزاد کشمیر میں عوامی ایکشن کمیٹی سے معاہدے کا خیر مقدم کرتے ہوئے کہا ہے کہ عوامی مفاد اور امن ترجیح ہے، کشمیری بھائیوں کے مسائل حل کریں گے۔
وزیراعظم شہبازشریف نے مذاکراتی کمیٹی کے اراکین کو خراج تحسین پیش کیا ہے اور مذاکراتی کمیٹی اراکین کی انفرادی اور اجتماعی کاوشوں کو سراہا اور شاباش دی ہے، انہوں نے اسے “پاکستان اور آزاد جموں وکشمیر کی بڑی کامیابی” قرار دیا۔
وزیراعظم شہباز شریف کا کہنا تھا کہ امن کا قیام اور حالات کا معمول پر آجانا خوش آئند ہے، الحمدللہ سازشیں اور افواہیں دم توڑ گئیں اور تمام معاملات خوش اسلوبی سے حل ہوئے۔
وزیر اعظم کا کہنا تھا کہ حکومت اپنے کشمیری بھائیوں کے مسائل کو حل کرنے کیلئے ہر وقت تیار ہے، عوامی مفاد اور امن ہماری ترجیح ہے، آزاد کشمیر کی خدمت کرتے رہیں گے، کشمیری بھائیوں سےگزارش ہے کہ افواہوں پر کان دھرنے سے گریز کریں۔
وزیر اعظم نے کہا کہ ہم پہلے بھی کشمیری بہن بھائیوں کے حقوق کے محافظ تھے، آئندہ بھی تحفظ کرتے رہیں گے، آزاد کشمیر کے مسائل پر ہمیشہ توجہ رہی ہے، میری حکومت نے ہمیشہ ترجیح بنیادوں پر ان مسائل کو حل کیا ہے