وزیراعلیٰ خیبر پختونخوا کیخلاف نااہلی کی درخواست الیکشن کمیشن میں دائر

اسلام آباد: وزیراعلیٰ خیبر پختونخوا سہیل آفریدی کیخلاف نااہلی کی درخواست الیکشن کمیشن میں دائر کردی گئی۔
تفصیلات کے مطابق درخواست ایڈووکیٹ میاں صبغت اللہ شاہ کی جانب سے دائرکی گئی ہے، دائر کردہ درخواست میں کہا گیا ہے کہ وزیراعلیٰ نے ایل آئی ایف امیدواروں کی حمایت اور جانبداری ظاہر کی، وزیراعلیٰ نے آئین اور حلف کی خلاف ورزی کی۔
درخواست میں وزیراعلیٰ کی فوری نااہلی اور عہدے سے برطرفی کی استدعا کرتے ہوئے کہا گیا کہ وزیراعلیٰ کو ایل آئی ایف کی حمایت سے روکا جائے۔
مؤقف اختیار کیا گیا کہ وزیراعلیٰ کو یکم نومبر سے قبل ایل آئی ایف کی میٹنگز میں شرکت سے روکا جائے، درخواست کی نقول گورنر کےپی، پاکستان بار کونسل اور پشاور ہائی کورٹ بار کو بھی ارسال کی گئی ہے۔
دریں اثنا عظمیٰ خان نے دعویٰ کیا ہے کہ بانی پاکستان تحریک انصاف نے وزیراعلیٰ کےپی کو کہا ہے کہ اپنی مرضی سے ٹیم منتخب کریں۔
اڈیالہ جیل کے باہر میڈیا سے گفتگو میں عظمیٰ خان نے کہا کہ سہیل آفریدی کو کہا گیا ہے کہ وہ اپنی مرضی سے ٹیم کا انتخاب کریں، بانی پی ٹی آئی نے خیبر پختونخوا کابینہ کیلئے اپنی طرف سے کوئی نام نہیں دیا۔
عظمیٰ خان نے مزید بتایا کہ بانی پی ٹی آئی نے پوچھا کہ محمود اچکزئی کا بطور اپوزیشن لیڈر نوٹیفکیشن کیوں نہیں آیا۔