تیز رفتار مزدا ٹرک کی کئی گاڑیوں کو ٹکر

کراچی: حسن اسکوائر سے شارع فیصل تک تیز رفتار مزدا ٹرک کی کئی گاڑیوں کو ٹکر ماری تاہم شہری نے پیچھا کر کے ڈرائیور پکڑ لیا۔
تفصیلات کے مطابق کراچی میں حسن اسکوائر سے شارع فیصل تک تیز رفتار مزدا ٹرک نے متعدد گاڑیوں کو سائیڈ مارنے کے بعد فرار ہونے کی کوشش کی۔ عینی شاہدین کے مطابق ٹرک کچرا اور بوریاں سڑک پر پھینکتا ہوا تیزی سے آگے بڑھتا رہا۔
ایک موٹرسائیکل سوار شہری نے بہادری کا مظاہرہ کرتے ہوئے کئی کلومیٹر تک ٹرک کا پیچھا کیا اور کورنگی انڈسٹریل ایریا کے قریب ڈرائیور کو پکڑ لیا۔
شہری نے بعد ازاں ڈرائیور کو پولیس کے حوالے کر دیا، تاہم موقع پر مشتعل شہریوں نے ڈرائیور پر تشدد کیا اور اس کے کپڑے پھاڑ دیے۔
پکڑے گئے ڈرائیور نے مبینہ طور پر حسن اسکوائر کے قریب ایک شہری کو زخمی کرنے کے بعد فرار ہونے کی کوشش کی تھی۔ پولیس نے واقعے کی تحقیقات شروع کر دی ہیں۔