بھارت: لیڈی ڈاکٹر نے اپنی زندگی کا خاتمہ کرلیا

بھارت کے مہاراشٹر میں ایک لیڈی ڈاکٹر نے اپنی زندگی کا خاتمہ کرلیا، ہاتھ پر لکھے خودکشی نوٹ پر بڑا انکشاف کردیا۔
رپورٹس کے مطابق لیڈی ڈاکٹر نے خودکشی سے قبل اپنی ہتھیلی پر ایک خودکشی نوٹ لکھا، جس میں پولیس افسران پر سنگین الزامات لگائے گئے تھے۔
رپورٹس کے مطابق خودکشی نوٹ میں متاثرہ لیڈی ڈاکٹر نے ایک پولیس سب انسپکٹر پر چار بار زیادتی کا الزام لگایا، خبر نے پورے مہاراشٹر میں ہلچل مچا دی ہے۔
ایک خودکشی نوٹ میں سب انسپکٹر گوپال بدنے کے خلاف جنسی ہراسانی اور ایک اور افسر پرشانت بنکر کے خلاف ذہنی ہراسانی کے سنگین الزامات کا انکشاف کیا گیا۔
حکام نے اس افسوسناک واقعہ کے بعد فوری کارروائی کا حکم دیا۔ انہوں نے ستارہ سپرنٹنڈنٹ آف پولیس کو دونوں ملزم افسران کو معطل کرنے کی ہدایت جاری کی۔
رپورٹس کے مطابق خاتون ڈاکٹر اور پولیس کے درمیان پچھلے کچھ ماہ سے تنازع چل رہا تھا، اب یہ اطلاع سامنے آئی ہے کہ پولیس تبدیل شدہ طبی معائنے کی رپورٹس مانگ رہی تھی۔ ڈاکٹر اس مطالبے پر کوئی جواب نہیں دے رہے تھے جس کی وجہ سے ان کے درمیان تنازع پیدا ہوا۔
خاتون ڈاکٹر نے اس معاملے میں کئی اعلیٰ حکام سے شکایت بھی کی تھی۔ اس نے کہا کہ تھا اس کے ساتھ غیر منصفانہ سلوک رویہ اختیار کیا جارہا ہے اور وہ اپنی جان دے دیگی۔
بالآخر رات کو خاتون ڈاکٹر نے اپنی زندگی کا خاتمہ کرلیا۔
متاثرہ نے اپنی ہتھیلی پر لکھے ایک نوٹ میں ایس آئی گوپال بدنے پر جنسی ہراسانی اور پرشانت بنکر پر ذہنی استحصال کا الزام عائد کیا اور کہا کہ ان کی مسلسل ہراسانی نے اسے خودکشی پر مجبور کیا۔
دونوں ملزم افسران تاحال مفرور ہیں، چیف منسٹر نے فوری طور پر معاملے کا نوٹس لے لیا ہے۔