سوئی گیس کی قلت، ایل پی جی بلیک میں فروخت، شہری دوہری مشکل کا شکار

ملک بھر میں سوئی گیس کے کم پریشر اور قلت نے شہریوں کی مشکلات بڑھا دی ہیں، جبکہ ایل پی جی کی قیمتوں میں اضافے کے ساتھ کئی علاقوں میں مبینہ طور پر بلیک میں فروخت کی شکایات بھی سامنے آ رہی ہیں۔ شہریوں کے مطابق مختلف مارکیٹوں میں ایل پی جی 400 سے 430 روپے فی کلو تک فروخت ہو رہی ہے، حالانکہ سرکاری قیمت 241 روپے فی کلو مقرر ہے۔ صارفین کا کہنا ہے کہ وہ سوئی گیس کے بھاری بل ادا کرنے کے باوجود کم پریشر کے باعث مہنگی ایل پی جی خریدنے پر مجبور ہیں۔