اسپیس ایکس نے اسپیکٹرم لائسنسز کیلئے ایکواسٹار کیساتھ 17 ارب ڈالرز کا معاہدہ کرلیا

اسپیس ایکس نے اسپیکٹرم لائسنسز کیلئے ایکواسٹار کیساتھ 17 ارب ڈالرز کا معاہدہ کرلیا، ڈیل کے تحت 8.5 ارب ڈالرز نقد دیے جائیں گے۔
ایلون مسک کی اسپیس ایکس نے ایک اور بڑا سودا کرلیا ہے، اسپیس ایکس نے اسپیکٹرم لائسنسز کیلئے ایکو اسٹار کیساتھ معاہدہ کیا ہے، مذکورہ ڈیل میں 8.5 ارب ڈالرز نقد اور 8.5 ارب ڈالرز اسپیس ایکس اسٹاک شامل ہے۔
اسپیس ایکس نومبر 2027 تک ایکواسٹار کے قرض پر 2 ارب ڈالرز سود بھی ادا کریگا، اسپیس ایکس اور ایکواسٹار کے درمیان طویل المدتی کمرشل معاہدہ بھی طے پایا ہے۔
خبرایجنسی نے بتایا کہ اس ڈیل کے تحت موبائل صارفین کو اسپیس ایکس کے اسٹارلنک ڈائریکٹ ٹو سیل سروس تک رسائی ملےگی، رسائی صرف ایکواسٹار کے بوسٹ موبائل صارفین کو ملےگی۔
معاہدے کی خبر کے بعد ایکواسٹار کے شیئرز میں 23فیصد سے زائد اضافہ ریکارڈ کیا گیا، اس سے قبل اے ٹی اینڈ ٹی نے بھی ایکواسٹار سے 23 ارب ڈالرز میں وائرلیس اسپیکٹرم لائسنس خریدنے کا اعلان کیا تھا۔
اسپیس ایکس اور اے ٹی اینڈ ٹی سودے ایف سی سی کی 5 جی انکوائریز حل کرنے میں مددگار ثابت ہونگے۔