ڈھاکا میں بنگلا دیش جماعت اسلامی کے امیر شفیق الرحمٰن کو 13ویں قومی پارلیمنٹ میں قائد حزبِ اختلاف نامزد کر دیا گیا۔ جماعت کے نائب امیر سید عبداللہ محمد طاہر کو ڈپٹی لیڈر آف اپوزیشن جبکہ 11 جماعتی اتحاد میں شامل نیشنل سٹیزن پارٹی کے کنوینر ناہید اسلام کو اپوزیشن چیف وہپ مقرر کیا گیا ہے۔
اس سے قبل نومنتخب اراکینِ پارلیمنٹ نے میں رکنیت کا حلف اٹھایا، جس کے بعد انہوں نے آئینی اصلاحات کونسل کے ارکان کے طور پر بھی حلف لیا۔ حلف چیف الیکشن کمشنر اے ایم ایم ناصر الدین نے لیا۔
حلف برداری کے بعد 11 جماعتی اتحاد کا اجلاس شفیق الرحمٰن کی صدارت میں پارلیمنٹ کمپلیکس میں منعقد ہوا، جس میں قائد حزبِ اختلاف، ڈپٹی لیڈر آف اپوزیشن اور چیف وہپ کے عہدوں کے لیے باضابطہ نامزدگیاں کی گئیں۔
