ڈیرہ اسماعیل خان میں دہشتگردوں نے یارک انٹرچینج کے قریب کسٹم آفس اور پولیس پر حملہ کر دیا جس کے نتیجے میں دو اہلکار شہید اور دو زخمی ہوگئے۔ پولیس ترجمان کے مطابق حملے میں کسٹم اہلکار اسرار خان اور پولیس اہلکار محمد بلال جامِ شہادت نوش کر گئے جبکہ زخمی اہلکاروں کو فوری طور پر اسپتال منتقل کر دیا گیا۔
حکام کا کہنا ہے کہ دہشتگردوں نے کسٹم کی دو گاڑیوں کو آگ لگا دی اور مسافر بسوں پر بھی فائرنگ کی۔ پولیس کی جانب سے فوری جوابی کارروائی کی گئی جس کے بعد حملہ آور فرار ہو گئے۔ علاقے میں سرچ آپریشن جاری ہے جبکہ سیکیورٹی مزید سخت کر دی گئی ہے۔
