سیکیورٹی فورسز نے ضلع اورکزئی میں خفیہ اطلاعات کی بنیاد پر ایک آپریشن کیا، جس کا ہدف بھارتی ایجنٹ گروہ “فتنہ الخوارج” سے تعلق رکھنے والے خوارج کی موجودگی تھی۔
آپریشن کے دوران، اپنی افواج کی مؤثر کارروائی کے نتیجے میں انیس بھارتی سرپرستی میں کام کرنے والے خوارج واصل جہنم کر دیے گئے۔
تاہم، شدید فائرنگ کے تبادلے کے دوران، لیفٹیننٹ کرنل جنید عارف (عمر: 39 سال، ضلع راولپنڈی کے رہائشی)، جو اپنی افواج کی قیادت کر رہے تھے، اپنے نائب میجر طیب راحت (عمر: 33 سال، ضلع راولپنڈی کے رہائشی) کے ہمراہ بہادری سے لڑتے ہوئے مادر وطن پر قربان ہو گئے اور جام شہادت نوش فرمایا۔
علاقے میں کسی بھی باقی ماندہ بھارتی سرپرستی میں سرگرم خوارج کے خاتمے کے لیے کلیئرنس آپریشن جاری ہے، کیونکہ پاکستان کی سیکیورٹی فورسز ملک سے بھارتی سرپرستی میں ہونے والی دہشت گردی کے ناسور کے مکمل خاتمے کے لیے پرعزم ہیں، اور ہمارے ان جانبازوں کی قربانیاں ہمارے اس عزم کو مزید مضبوط کرتی ہیں۔
