سرگودھا میں مسافر وین کے درخت سے ٹکرا جانے کے نتیجے میں 4 افراد جاں بحق جبکہ 10 افراد زخمی ہو گئے۔
ریسکیو حکام کے مطابق یہ افسوسناک حادثہ گرین ہاؤس جھال چکیاں کے قریب پیش آیا، جہاں تیز رفتار مسافر وین بے قابو ہو کر درخت سے جا ٹکرائی۔
ریسکیو حکام کا کہنا ہے کہ حادثے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچیں اور جاں بحق افراد کی لاشوں اور زخمیوں کو قریبی اسپتال منتقل کیا۔
پولیس کے مطابق حادثے میں جاں بحق ہونے والوں میں دو خواتین اور ایک بچی شامل ہیں، جن کا تعلق ایک ہی خاندان سے بتایا جا رہا ہے۔
حکام کے مطابق زخمیوں کو طبی امداد فراہم کی جا رہی ہے جبکہ حادثے کی وجوہات جاننے کے لیے مزید تحقیقات کا آغاز کر دیا گیا ہے۔
